WILLEMSTAD.- Sr. Errold Bishop lo huramentá komo Minister Plenipotensiaro interino, despues di un prosedura di screening largu. E akto di huramentashon ta tuma lugá djárason, 4 di mart 2026, serka su ekselensia Gobernador, señor Mauritsz de Kort. Bishop lo huramentá komo Minister Plenipotensiaro interino di Kòrsou na Hulanda pa 2’or di mèrdia.
Bishop ta bai okupá e puesto di Carlson Manuel ku na yanüari di e aña aki a keda suspendé di su funshon komo minister Plenipotensiario. Esaki debí na un denunsia di un trahadó na Kas di Kòrsou kontra Manuel. Tambe den desèmber 2025, parlamento den su totalidat a bai di akuerdo ku un moshon pa investigá maneho finansiero di Kas di Kòrsou i Minister Plenipotensiario.
