BEIJING (AP).- Un eskape di gas venenoso kousá pa sustansianan kímiko usá nuebe aña pasá pa kombatí e epidemia SARS, a obligá evakuá mas di 800 trahadó di un edifisio di ofisinanan den siudat Hangzhoum na ost di e pais, asina prensa estatal a bisa.
E agensia ofisial di notisia Xinjua a bisa ayera ku e gas a bin di un reserva di puiru di kloro. El a wòrdu usá komo desinfektante na 2003 durante e epidemia di SARS, pero nunka el a keda eliminá. Xinjuá a bisa ku un nubia di gas blanku a yena e di 19 piso di e edifisio ayera mainta, kousando pániko.
Di akuerdo ku e agensia, e departamentu di bomberonan a bisa ku ningun hende a resultá heridá. E no a bisa kiko tabata kousa di e eskape.
