WASHINGTON, MERKA, AFP.- E senador republikano Susan Collins a keda reeligí djárason den su estado natal di maine, na nortost di Merka. esaki a sigui redusí posibilidat pa e demókratanan haña mayoria den Senado, sin importá ken gana den Kas Blanku.
Den elekshon parlamentario djamars, e demókratanan a logra mantené mayoria den Kámara di Representante, posishonando Nancy Pelosi komo e lider di e Kámara pa dos aña mas.
E demókratanan a kita dos asiento (Colorado i Arizona) for di e republikanonan den Senado.
Pero e republikanonan a keda den balansa pa motibu ku nan a derotá un senador demókrata den Alabama, konservando asientonan ku e legisladornan a teme di lo pèrdè.
E republikanonan tin 53 di 100 asiento. Ainda mester revisá 35 asiento mas.
E demókratanan mester kita kuater asiento di e republikanonan si nan kier haña mayoria. Ounke si Biden yega Kas Blanku nan mester di solamente tres mirando ku Biden tin e voto desisivo.
