LIUBLIANA, Slovenia (AFP).- Un estatua di bròns di e promé dama di Merka, Melania Trump, a wòrdu hòrtá na Slovenia, su pais natal.
Di tamaño real i koloká riba stam di un palu meimei di un tereno privá serka di Sevnica -siudat kaminda Melania a pasa su infansia- e estatua tabata un inspirashon dje matrimonio presidensial durante e instalashon di Donald Trump den 2017.
Su outor, e artista norteamerikano Brad Downey, tabata ke pa e ta “un kontra propaganda”. El a splika ku su intenshon tabata pa kritiká e polítika di Trump pa ku inmigrantenan, rekordando ku su kasá mes,nasé komo Melania Knavs na Yugoslavia, tabata un inmigrante.
Downey a bisa di ta “tristu” ku desaparishon dje obra, ku tabata instalá di manera sólido un tronko ku semènt i baranan di heru, loke a obligá e ladronnan pa kòrt’e na altura di e ènkelnan.

LAGA UN KOMENTARIO

Please enter your comment!
Please enter your name here