NUEVA YORK, AP.- Un estatua di Hillary Clinton, ku e pida ariba sunú, a paresé djamars pafó di un stashon di trein supteraneo, kousando un konfrontashon entre un muhé ku a bash’é abou i a sinta riba dje pa evitá ku otro persona lo lanta e estatua bèk. Ta di dos bia kaba ku un estatua di tamaño real ku ta representá di un manera eksagerá i sunú na un kandidato pa presidensia i ku ta aparesé pafó di un stashon di trein na Manhattan durante di un temporada elektoral. Den ougùstùs, un estatua ku tabata mustra Donald Trump sunú a keda retirá for di un lugá pa trahadónan munisipal.
Pero e reakshon di hendenan di e estatua ‘topless’ di e kandidata demókrata pa presidensia tabata diferente kompará ku esun di su rival republikano, kaminda ku mayoria hende hóben a para pa saka potrèt.
Djamars, un muhé a paresé den un video di New York Daily News lastrando e estatua di Clinton na suela, trapando i sintando riba dje pa evitá ku un hòmber lo a lant’é fo’i suela. “Nos no mester ser tratá di e manera aki. Punto”, otro muhé a bisa den un video.
No tabata kla na e momentu aki ken a traha e estatua di Clinton. Un kolekshonista di artista yamá “INDECLINE” tabata tras di e estatua sunú di Trump, pero a bisa den un komunikado ku e no tabatin nada di aber ku e estatua di Clinton.
Bosero polisial a bisa ku e estatua di Clinton eventualmente a keda retirá pa esun ku a trese na Manhattan, i ku no a detené ni but niun hende.
Representante di alkalde demókrata Bill de Blasio, kende ta apoyá Clinton, no a kontestá preguntanan riba e estatua en kuestion. Na ougùstùs un bosero di departamento di parke pa mucha a bisa den un komunikado ku e estatua di Trump a keda retirá pasobra no tabatin pèrmit pa ta einan.
E kampaña di Clinton no a kontestá mensahe ku a keda mandá pa haña un komentario.
