EDINBURGH, REINO UNI, AFP.- Data di dos estudio separá publiká den Reino Uní djaluna, unu na Inglatera i e otro na Eskosia, a mustra ku vakunanan kontra COVID-19 ta efektivo i ta redusí e posibilidat pa transmití e vírus i hospitalisashonnan.
Un análisis di Salú Públiko di Inglatera a mustra ku e vakuna redusí pa Pfizer/BioNTech ta redusí e posibilidat pa haña e infekshon ku mas di 70% despues di e promé dósis. E rísiko ta redusí na 85% despues di e di dos dósis.
E estudio a revelá ku esnan vakuná pero ku keda infektá tin ménos chèns di muri òf keda interná den hospital.
Hospitalisashonnan i morto kousa pa COVID-19 ta baha ku 75% pa esnan ku a haña un dósis di e vakuna di pfizer/BioNtech, segun e análisis.
“E rapòrt ta indiká ku e vakunanan ta funshoná i por nota ku e vakuna di Pfizer ta ofresé protekshon amplio kontra Corona vírus”, segun indikashon di e minister di salú Matt Hancock.
