Presidente di Komishon Europeo, Ursula von der Leyen, kende ke mira ku ta oumentá preshon riba Rusia.
BERLIN, Alemania (AFP).- E prinsipal aliadonan europeo di Ukrania a akordá pa “oumentá e preshon” riba Mòsku mediante mas sanshon segun e gobièrnu aleman a informá ayera despues dje kòmbersashonnan entre Donald Trump i Vladimir Putin.
Den un di dos yamada entre Trump i vários dirigente europeo, inkluso e aleman Friedrich Merze “partisipantenan europeo a anunsiá di lo oumentá e preshon riba Rusia via di sanshonnan”.
Despues di a papia ku Putin, Donald Trump tabatin kontakto ku Merz, e presidente ukraniano Volodir Zelenski, e presidente fransés Emmanuel Macron, e presidente finlandés Alexander Stubb, e promé minister italiana Giorgia Meloni i e presidente di Union Europeo, Ursula von der Leyen.
Den e resúmen ofisial dje yamada akí suministrá pa e bosero di Merz, e partisipantenan a anunsiá di lo oumentá preshon riba Rusia mediante sanshonnan, loke ta kontrario na e posishon di Merka.
Ademas el a indiká ku e dirigentenan “a diskutí riba e próksimo stapnan” i “a asentuá e boluntat pa kompañá Ukrania di aserka pa yega na un paro dje guera”.
E presidente di Komishon Europeo, Ursula von der Leyen, a primintí djabièrnè pa oumentá e preshon riba Rusia te ora u e presidente ruso ta “dispuesto pa yega na pas” den diskushonnan ku Ukrania.
