LA PAZ, BOLIVIA, AP.- Eks presidente boliviano Evo Morales lo purba uni su partido pa elekshon nobo na Bolivia. E lo hasi esaki desde Buenos Aires, kaminda el a haña refugio despues ku el a hui di Bolivia.

Kasi un miar dirigente regional i nashonal a haña invitashon pa e enkuentro, kual mester a tuma lugá na nort di Argentina, serka di e frontera ku Bolivia, i kual su propósito lo ta pa prepará un asamblea na Bolivia pa asina skohe un kandidato presidensial pa Partido MAS.

Despues di 13 aña i nuebe luna na poder, e eks gobernante ta pèrdiendo influensia den su propio partido.

Morales a renunsiá riba 10 di novèmber despues di a wòrdu akusá di a monta un froude elektoral pa e gana i goberná pa un di kuater mandato. El a pèrdè sosten di polis i forsa armá i ta sigurá ku e ta víktima di un golpe di Estado. El a buska refugio na México inisialmente pero despues el a muda pa Argentina, kaminda e ta hasi deklarashonnan públiko. El a asta partisipá den un marcha den e kapital di Argentina resientemente. Aktualmente tin nuebe refugiado den embahada di México na La Paz.

 

LAGA UN KOMENTARIO

Please enter your comment!
Please enter your name here