LA PAZ, AP.- Presidente Evo Morales lo estrená un palasio presidensial nobo di 28 piso ku ta inkluí un helipuerto, un suite ku un jacuzzi, salanan di masashi i un gimnasio kual nan a kosta mas di 34 mion dòler di e nashon mas poder den Suramérika.
E inougurashon tabata fihá pa djaweps pero a wòrdu diferí despues di krítikanan ku e proyekto a kousa. E Ministerio di Presidensial a bisa den un komunikado ku e resepshon ta “provishonal”.
E edifisio ta unu haltu i ta entre e tiki kasnan kolonial ku a sobra den e sentro históriko di Las Paz tras di e palasio kolonial aktual ku e presidentenan di final di siglo XIX a ehersé su mando aden.
Evo Morales lo muda pa e di 26.
Batista komo “Kas di Pueblo”, diferente sektor a kuestioná esaki i oposishon ta preferá yam’é “palasio di Evo”. “Esaki ta un ekspreshon di iresponsabilidat kontra e kontrakshon ekonómiko i e realidat di e pais”, asina e analisá i eskritor Jose Rafel Vilar a bisa na The Associated Press.
Nase sin awa ni elektrisidat, e promé presidente indígena di Bolivia a asendé na poder na aña 2006 komo un forsa renovador despues di retiro di partidonan tradishonal ku a senk den skandal i korupshon.
