EXTRA ku transmishon ‘Inskripshon Festival di Tumba 2018’

WILLEMSTAD.- Bo korant faborito, E korant # 1, Extra djadumingu awor tei ofresé pueblo di Kòrsou i nos siguidónan rònt mundu e transmishon di ‘Inskripshon Festival di Tumba 2018’
Desèmber 2016 a marka e inisio pa Korant EXTRA su departamento digital kaminda e korant a kuminsá dirigí su mes tambe riba e mundu digital. Ku lansamentu di wèpsait den su forma nobo, página di Facebook i tambe kanal di YouTube, EXTRA a dal un paso pa duna su klientenan un oportunidat mas amplio pa por sigui tur informashon riba diferente plataforma digital.
Durante di un aña EXTRA a mira un kresementu signifikativo riba su wèpsait ku mas ku 1.7 mion ‘page viewers’ pa luna, di kua 48 % ta tráfiko lokal i 42 % ta tráfiko internashonal. Ku mas di 130 mil ‘unique viewers’ pa luna a bira indikativo ku EXTRA su plan tabata funshonando i esaki a pone ku EXTRA a bin figurá den e Tòp 10 di wèpsaitnan mas bishitá na Kòrsou.

TUMBA 2018
Pa kuminsá 2018 riba bon pia e tim di produkshon di EXTRA a opta pa ban produsí e inskripshon di Festival di Tumba 2018. Festival di Tumba ta un dje eventonan kultural di mas grandi di Kòrsou i tur aña fanátikonan di Tumba na Aruba, Boneiru, Kòrsou, Ulanda i rònt mundu ta pendiente pa sa ken ta partisipá den Festival di Tumba.
Pa e motibu aki EXTRA a uni ku Q-Productions, empresa lider den produkshon di eventonan audiovisual pa produsí e evento.
EXTRA no a keda einan so, pero a uni tambe ku TDS i CARIFLIX pa por brinda mas tantu hende posibel e oportunidat pa sigui e produkshon di djadumingu awor.
Djadumingu awor, lo bo por sigui ‘Inskripshon di Festival di Tumba 2018’ riba 5 plataforma. Bo por wak e produkshon via di www.extra.cw; www.facebook.com/EXTRACURACAO; www.youtube.com/EXTRACURACAO; riba TDS kanal 75 i 76 HD i tambe bo por sigui e transmishon via di CARIFLIX.

Inskripshon Festival di Tumba 2018 lo keda presentá pa kolega, Luis Curiel i komo ko presentadó, tres biaha Rei di Tumba, Rubertico ‘Benoni’ Balentien.
Keda pendiente pa djadumingu awor bo disfrutá di un tremendo transmishon ku bon ambiente i tur informashon i detaye importante dje evento musikal mas grandi di Kòrsou, Festival di Tumba 2018.

SHARE

LEAVE A REPLY