EXTRA ta partner ku Ictual den e “Und’e Kabes ta?” App

WILLEMSTAD.– EXTRA tambe ta djòin Ictual komo partner, kaminda EXTRA ta duna sosten na e inovashon nobo pa Karnaval 2020, Und’e Kabes ta? App.
Ictual connected solutions, un kompania di teknologia (IT) ku diferente solushonnan inovativo establesé na Kòrsou ya pa 27 aña, a lansa djadumingu último durante Marcha Hubenil e solushon pa e pregunta mas usá durante Karnaval esta: Und’e Kabes ta?
EXTRA komo un media inovativo mesora a brasa e proyekto anto a partner ku Ictual pa asina yuda engrandesé e Karnaval ku e inovashon nobo aki.
Esaki tabata e promé vershon ku e focus tabata riba e informashon pa duna bo e posishon eksakto di e kabes di Karnaval plùs informashon di gruponan di Karnaval.
Ku e app aki Ictual ke konektá e pueblo di Kòrsou na un manera visual i interaktivo ku teknologia, ku ta loke Ictual ta para pe.
E Team di Und’e Kabes ta a risibí hopi feedback positivo durante e marcha hubenil pero tambe ideanan nobo ku sigur ta bai evaluá tur pa sigui engrandesé e app aki pa otro aña.
E app aki ta grátis i optenibel riba Google Play òf App Store pa tur tipo di smartphones. E lansamentu di e app tabata un éksito rotundo djadumingu último.
EXTRA huntu ku Ictual ta invitá pueblo di Kòrsou pa download e app pa bo tambe ta bon informá durante marchanan di Tiner, Gran Marcha, Banda Bou i despedida.
Tantu pa bo sa und’e kabes di e marcha ta pero tambe pa sa e órden di gruponan anto kua ta e banda òf dj ku ta kompaña e grupo.
Pa mas informashon subi www.undekabesta.com òf por download e app grátis via di Google Play store òf e App store di Apple.

SHARE

LEAVE A REPLY