WILLEMSTAD. – Un tim di redakshon di EXTRA Productions huntu ku un pènel di profeshonalnan den hustisia ta analisá kaso Maximus, asesinato di Helmin Wiels. E tim di EXTRA formá pa Oscar van Dam, Lysandra Trinidad i Michael Craanberg, huntu ku Dr. Rutsel Martha Abogado, mr. Guillano Schoop fiskal di Ministerio Públiko i mr. Pascale Dingemans Dekano University of Curaçao a papia riba e prosedura hibá den e kaso i trese splikashon riba preguntanan. Extraordinario a keda moderá pa Urving Pieter. Extraordinario lo keda transmití awe djamars 27 di ougùstùs pa 7 or di anochi riba plataformanan digital di EXTRA. Por sintonisá Extraordinario riba www.extra.cw – facebook/extracuracao – YouTube/extracuracao.
