NEW YORK, AP.- Un grupo industrial ku ta representá Coca Cola i otro fabrikantenan di bibida ku gas a indiká djaweps ku a suspendé pagonan na ekspertonan di salú.
E Asosiashon merikano di bebida a tuma e medida aki despues ku un grupo di aktivista pa bon salú a señalá e siman aki ku algun ta oponiendo kontra impuesto.
Despues di krítika su trabou ku ekspertonan di salú di aña pasa, Coca-cola a bisa ku no ta bai paga ekspertonan pa e trabou aki i ku ta revisando diferente esfuerso pa asina bira mas transparente.
Esaki lo a wòrdu apliká na Asosiashon merikano di bebida, di kual Coca Cola ta un miembro mas grandi. Sin embargo, djaweps, e empresa a señalá ku a pidi e asosiashon pa revisá su práktikanan di trabou ku profeshonalnan di atenshon di salú. Na e momentu ei e agrupashon a publiká un komunikado kaminda a bisa ku a suspendé ‘uso di e ekspertonan aki riba retnan sosial i digital segun e revishon ta wòrdu realisá’.
