SAN FRANSISCO, AP.- Facebook a eliminá mas di 3.000 mion kuenta falsu entre òktober i mart, dòbel e kantidat ku a wòrdu kanselá durante e seis lunanan anterior, segun informashon di e kompania.
Den un dokumento nobo, Facebook a indiká ku a registrá un “oumento” den e kreashon di kuentanan falsu i abusivo. Ounke mayoria di e kuentanan a wòrdu blòkiá “dentro di algun minüt ku nan a wòrdu kreá”, tin vários mas ku no a wòrdu identifiká.
Komo resultado, e ret sosial ta kalkulá ku 5% di su 2.400 mion usuarionan aktivo ta kuenta falsu, kual ta mas o ménos 119 mion. E sifra ta representá un oumento di entre 3% i 4% den e dokumento di e seis lunanan anterior.
E oumento ta mustra e desafio ku Facebook ta enfrentá pa retirá e kuentanan kreá pa kòmpiuternan pa propagá spam, notisianan falsu i otro materialnan sensurabel.
E kompania ta lidiando ku un serie di problema ku ta varia desde notisia falsu te na e ròl d Facebook den e interferensia elektoral, diskursonan di odio i motivashon di violensia na Merka, Myanmar, India, i algun pais mas.
