LONDON, AP.- Facebook a anunsiá kondishonnan mas estrikto pa ku ponementu di anunsio polítiko den Union Europeo segun elekshon di e bloke ta aserkando. Esaki ta e intento mas resien di Facebook pa kombatí informashon falsu riba su plataforma.

Tur esnan ku kier pone anunsio polítiko riba e ret mester konfirmá su identidat, i kada anunsio lo wòrdu poné den un archivo ku públiko tin akseso na dje, ku informashon detayá di ken a paga pa e notisia òf wak esaki, segun e empresa a indiká.

Facebook a apliká medidanan similar den Merka, Gran Bretaña i Brasil.

Facebook a anunsiá ku lo establesé dos sentro spesialisá pa asuntunan elektoral, unu na Dublin i e otro na Singapur, pa asina kombatí notisia falsu.

Habitantenan di 27 pais miembro di UE lo vota den mei pa skohe e 705 representantenan den Parlamento Europeo.

Facebook i otro empresanan a wòrdu kritiko pa no hasi sufisiente pa evitá ku gruponan ta purba influensiá elekshon.

Aña pasá Facebook a kontratá eks vise promé minister Clegg, di Reino Uní, pa yuda e empresa formulá kondishonnan mas estrikto den e kontinente i asina reskatá Facebook su reputashon.

E empresa lo tuma medidanan similar promé ku elekshon na India, Ukrania i Israel, promé ku e sistema wòrdu ekspandé den yüni.

LAGA UN KOMENTARIO

Please enter your comment!
Please enter your name here