MINNEAPOLIS, MERKA, AFP.- E famia di George Floyd a yega na un akuerdo sivil ku siudat di Minneapolis pa haña kompensashon di 27 mion dòler, segun informashon di e siudat i representantenan di e detenido. Floyd a muri durante su detenshon den un konfrontashon ku polis riba 25 di mei último.
“Esaki ta e akuerdo pa un kaso di morto inhustu di un hòmber kolo skur i alabes un mensahe potente di “black lives matter” i ku violensia di polis kontra personanan koló skur mester kaba”, segun indikashon di abogadonan di e famia den un komunikado tokante e akuerdo.
E agente Derek Chauvin a hinka rudia riba Floyd su garganta durante nuebe minüt kaminda Floyd a sofoká. A graba e insidente aki riba video kual a kousa hopi konmoshon den Merka i generá un ola di protesta kontra rasismo i violensia di polis. E manifestashonnan a tuma lugá den vários pais mas rònt mundu.
E akuerdo ta forma parti di un demanda sivil di parti e famia kontra e siudat i e kuater agentenan involukrá. El a keda aprobá d forma unánime pa e konseho munsipal.
