Update
WILLEMSTAD.-Tabata un djabièrnè anochi ku Kòrsou a keda di shòk na momentu ku a bira konosí ku algun hòmber a yega na e kas na Reigerweg unda e atzjudant di Koninklijke Marechausee Toon Brood(49) tabata biba ku su famia. Investigashon a mustra ku ta tres hòmber ta esnan ku a hasi nan mes kulpabel na e akto aki. Brood a risibí tiru mortal den su kas. E hòmbernan lo a kita plaka for di e kasa i a bai ku un outo di e pareha, un Chevrolet Beat.
Mesora polis di Kòrsou a kuminsá un búskeda intensivo di e sospechosonan i asta a hasi apelashon na e sospechosonan pa entrega nan mes. A haña e outo bek djasabra mainta. Outoridatnan hudisial a hasi apelashon na tur kas di famia i negoshinan den e área ku tin kámara di seguridat pa yuda ku imágen pa nan solushoná e kaso. Awe mainta pues e esposa i e yu hòmber a yega sala di korte pa sigui e desaroyonan den e kaso.
<><>
Awe mainta, manera EXTRA a informá anteriormente, Korte di hustisia ta trata e kaso di asesinato di un miembro di Koninklijke Marechaussee ku a tuma lugá na Kòrsou algun tempu pasá. Algu ku a sòru pa un sentimentu fuerte tabata na momentu ku por a mira ku e esposa di e defuntu a yega ku su yu den kompania di vários miembro di marina. Ta trata di un kaso tristu kaminda deskonosínan a yega na kas di e miembro di marechausee den oranan di anochi i a los bala. E hòmber Toon Brood a pèrdè su bida dia 31 di mei 2024.
 den Korte pa presensia kaso asesinato (video)){kind=link}