SANTO DOMINGO (AFP).- Famianan di e víktimanan di derumbe di un diskotèk na Rep. Dominikana ayera a sklama pa hustisia durante di un oudiensia na víspera di promé aniversario dje tragedia ku a laga mas ku 200 morto. Dia 8 di aprel di 2025 e dak dje klup Jet Set a basha bin abou durante konsierto dje kantante di merenguero popular, Rubby Perez, kende tambe a muri huntu ku 235 otro persona.
“Nan ta kriminal, asesino”, segun famianan tabata grita pafó di e sala kaminda ku tabatin e oudiensia di Antonio Espaillat, doño i gerente di Jet Set, i su ruman Maribel, atministradó dje niteclub.
Den e grupo a figurá Juanita Brea, mama di Nelfisis Sanchez Brea, kende a asistí na e klup pa selebrá kumpleaño huntu ku su kasá, e èks-big leaguer Tony Blanko. E pareha a muri i a laga un beibi.
E rumannan Espaillat a keda arestá pa homisidio no boluntario, pero a keda den libertat kondishonal despues di a paga un fiansa di US$ 842.500. “Mester a pone tapeit bèrdè pa e kriminalnan ei”, segun Brea tabata grita miéntras ku e empresarionan tabata drenta sala di korte.
E próksimo oudiensia a keda fihá pa 20 di aprel benidero.
