WILLEMSTAD. – Ayera den oranan di atardi famia i konosí nan di e dama ku a pèrdè su bida djaluna último den un aksidente di outo a reuní na e sitio di e aksidente i den un seremonia dediká na e defuntu nan a pone vários bela na e sitio kaminda e dama aki a pèrdè su bida trágikamente. Por a opservá ku e doló ta inmenso i ku tur e ser kerínan di e dama lo keda kòrda e dama ku a bai laga e mundu aki na un edat relativamente hóben.
