HOSUTON, AP.- Ocho famia migrante ku a wòrdu separá pa e gobièrnu di Merka a presentá un petishon eksigiendo 6 mion dòler kada unu, komo indemnisashon pa loke un abogado a deskribí komo “un krueldat ineksplikabel” ku a provoká dañonan perdurabel na e mayornan i e mucha.
E mayornan di famia a akusá ofisialnan di inmigrashon pa bai ku e muchanan sin duna informashon na e mayor òf asta hasi bofon di e famianan sin ku nan por tuma despedida di otro.
E dokumentonan ta afirmá ku mayoria di e muchanan ainda ta troumatisá despues di a reuní ku nan mayornan, inkluyendo un mucha di 7 aña ku no por drumi sin su mama i un mucha di 6 ku no ke kome.
Departamento di Seguridat Nashonal no a kontestá komentarionan riba e kaso aki.
