NEW YORK, AP.- FBI  kuminsá investigá e abogado personal di presidente Donald Trump kasi un aña promé ku agentenan a ehekutá un entrada hudisial den su kas i ofisina, segun indikashon di dokumentonan publiká djamars.

E òrdu di entrada hudisial ta revelá detayenan nobo tokante e investigashon federal tokante e transakshonnan komersial di Michael Cohen i entradanan hudisial di FBI. E kaso ta revelá ku e investigashon federal a kuminsá den yüli 2017, muchu mas promé ku e investigashon kontra Cohen a bira konosí.

Lanny Davis, un abogado di Cohen, a bisa ku e publikashon di e òrdu di entrada hudisial ta konforme su interes pa koperá i duna informashon tokante Donald Trump i organisashon Trump na Kongreso”.

Den aprel tabatin un entrada hudisial den kas i ofisina di Cohen na Manhattan den aprel, den e promé señal públiko di un investigashon kual ta un menasa pa Trump su posishon komo presidente. Esaki a resultá den un kondena di tres aña di prizòn pa Trump su eks abogado pa evashon di impuesto i violashon di leinan di finansiashon di kampañanan elektoral. Polis federal, kende tambe a ehekutá un entrada hudisial den Cohen su kamber di hotèl, a poderá di mas di 4 mion archivo digital i di prent, mas di un dozein telefòn selular, iPad, 20 ‘external hard drive’, USB i algun laptop. FBI a drenta den su kaha fuerte tambe.

LAGA UN KOMENTARIO

Please enter your comment!
Please enter your name here