ULANDA.- E kómiko, Jandino Asporaat ta trahando riba e detayenan pa próksimamente habri un restorant ‘FC Kip’ na Rotterdam.
E restorant basa riba esun ku ela presentá den e serienan di e pelíkula ‘Bon Bini Holland’ i tambe presentá durante di su programa di televishon ‘De Dino Show’ lo habri den luna di aprel 2020.
‘Despues di tur e éksitonan porfin lo bini un ‘FC Kip’, asina Asporaat a splika. ‘Mi mes lo ta presente tambe den e negoshi, pero no henter siman’.
E kómiko a primintí na e futuro klientenan ku e servisio lo no ta mesun kos manera den e pelíkulanan ‘Bon Bini’, pero si bo ke, nos tin un ‘balie’ apart kaminda nos por dalbu ku un panchi’.
‘Bon Bini Holland 2’ tabata e pelíkula mas eksitoso di Ulanda na 2018. Ku kasi 600 mil bishitante e edishon number dos a surpasá e promé vershon di ‘Bon Bini Holland 1’, ku a atraé 550 mil bishitante pa wak e pelíkula.

LAGA UN KOMENTARIO

Please enter your comment!
Please enter your name here