Fèri Krioyo Blue Curaçao ta bai findishi

WILLEMSTAD.- Dia 30 di yüli e fèri Krioyo Blue Curaçao di e konosido Darwin Gregg ta keda bend’é na findishi. Ayera Notarispraktijk Hu-A-Ng a publiká e findishi di e fèri. Dia 4 yüli 2012 e barku a haña su dokumentonan na departamento di nabegashon di Kòrsou.

E suma ku lo bende e barku ta di 630 mil florin. Dieskuater (14) dia promé ku e  findishi esnan interesá por entregá nan oferta. Tur hende ku ta entregá oferta i ta interesá pa kumpra e fèri, mester tin un garantia di banko pa por kumpra e fèri.

Na mes momentu e notario ta pidi esnan ku ta asistí na e findishi pa tene kuenta ku reglanan di distansia sosial, i mester mèldu via di mail dje notario.

Ademas ta solamente esnan ku ta interesá pa kumpra e boto por ta presente. Na mes momentu e notario ta notifiká ku sitio di findishi por kambia si tin un situashon di pandemia.

 

SHARE

LEAVE A REPLY