…E Ferrari 250 LM pa kua un kumpradó anónimo ayera a paga US$ 34.9 mion…
ROMA, Italia (AFP).- E Ferrari ku a gana e edishon di 1965 di e prestigioso 24 Hours di Le Mans, a keda bendé na rason di 36.2 mion dollar den un findishi na Paris.
Ferrari a splika ku ta trata di e montante di mas haltu pagá pa e modelo 250 LM, un vehíkulo ku den añanan 60 a konkistá e di seis título siguí pa Ferrari den e sirkuito nortwèst di Fransia, i e último te 2023.
Masten Gregory i Jochen Rindt tabata esnan ku a manehá e vehíkulo, ku tabata den eksposishon di Motor Speedway Museum di Indianapolis for di 1970, promé ku el a keda poné na benta di parti di North American Racing Team (NART).
Ferrari no a duna detaye dje kumpradó dje 250 LM, di kua a fabriká solamente 32 outo.
E rèkòrt di benta di un Ferrari a keda alkansá pa un 330 LM/250 GTO di 1962, ku nan a bende na New York na rason di US$ 51.7 mion den novèmber di 2023.
