WILLEMSTAD.- Tur kos ta kla pa lokual ta trata e próksimo edishon di Festival di Tumba Hubenil 2017. No ménos ku 10 partisipante lo ta den kontienda pa e korona djadumingu awor. For di 2’or e programa ta ranka sali. Tur e partisipantenan ta kompañá pa ‘The New Time’ ku a sabi na haña refuerso di músikonan di entre otro Gentz i Dolce Band.
Pa lokual ta trata e sekshon di brass esaki ta na enkargo di ‘El Maestro’ Jesus ‘Chu’ Martinez na kende Festival di Tumba 2017 ta dediká.
Tin diferente premio masha atraktivo mes pa e partisipantenan den kontienda. Tin premionan manera televishon, tablet i baiskel. Tambe tin premio masha spesial di Adventure City, Mayas i Coshel NV. Pa e ganador hasta ta asina ku e agrupashon musical Hype i dj Jörgel Seferina lo toka grátis na su fiesta di kumpleaño. Tambe 3D Fireworks lo regalá e ganador un show di vürwèrk grátis na su fiesta di kumpleaño.
Nos big leaguer, Andrelton Simmons lo pèrkurá pa un eksperensia úniko pa e partisipante mas popular/dinámiko. E ku un mayor di dje, riba su invitashon, lo bai Los Angeles pa disfrutá di 3 partido di dje i tambe haña un tour den stadion.
PARTISIPANTENAN
Partisipante Nr 1:Charlson Mercelina, Edat: 11 Aña, Komposishon: Ban Plama Amor den Karnaval, Kompositor: Gilbert Doran Jr. i Areglista: Gilbert Doran Jr.
Partisipante Nr 2: Moesha Crispina, Edat: 15 Aña, Komposishon: Enseñansa, Kompositor: Angelo Djaoen i Areglista: Kenneth Mambre.
Partisipante Nr 3: Naemerson Kirindongo, Edat: 10 Aña, Komposishon: Tumba Tumba Ta Kompositor: Furgell Wijngaarden i Areglista: Kenneth Mambre.
Partisipante Nr 4: Denzell Gregg, Edat: 15 Aña, Komposishon: E trompèt pa pasa prèt,
Kompositor: Darwin Gregg i Areglista: Darwin Gregg.
Partisipante Nr 5: Tariq Hooi, Edat: 15 Aña, Komposishon: Bati Bleki, Kompositor: Bibi Goneth/Christopher Josefa i Areglista: Dwight Leoneta.
Partisipante Nr 6: Izaline Thomassa, Edat: 15 Aña, Komposishon: Na Pia, Kompositor: Shenyo Bokshoven i Areglista: Arnel Salsbach.
Partisipante Nr 7: Deneesha Thomas, Edat: 12 Aña, Komposishon: Karnaval na Ordu, Kompositor: Nenny Domacasse i Areglista: Rushently Minne.
Partisipante Nr 8: Shentily Zimmerman, Edat: 13 Aña, Komposishon: Parasòl, Kompositor: Bibi Goneth i Areglista: Angelo Dopwell.
Partisipante Nr 9: Latisha Constancia, Edat: 10 Aña, Komposishon: Ban Eksplorá, Kompositor: Shenyo Bokshoven i Areglista: Angelo Dopwell.
Partisipante Nr 10: Naemy Kirindongo, Komposishon: Pone man na obra, Kompositor: Clifton Martina/Lucendy Girigorie i Areglista: Clifford Martina.
