WILLEMSTAD.- Despues di e temporada di ‘lockdown’ Liga MCB ta kontinuá e fin di siman aki. Liga MCB Promé Divishon ta hunga den wikènt, Liga MCB Segundo Divishon ta tuma lugá den siman miéntras ku Liga MCB Terser Divishon su weganan ta tantu den siman komo den wikènt. Entrada pa e partidonan di Liga MCB Promé Divishon ta kosta 6 florin pa adulto miéntras mucha di 6 pa 12 aña ku 60+ ta paga solamente fl.2.50. Liga MCB Segundo Divishon ta kosta 3 florin pa adulto i mucha di 6 pa 12 aña ku 60+ ta kosta fl.2.50. Liga MCB Terser Divishon ta kompletamente grátis.

FFK ta rekordá un i tur ku tur e partidonan aki por tuma lugá ku presensia di públiko manera gobièrnu di Kòrsou a stipulá. Pero ta pidi tur hende pa sigui tene kuenta ku tur medida en konekshon ku COVID-19, manera mantené distansia sosial, hasi uso di un tapa boka i laba man òf usa ‘hand sanitizer’ regular.

Te ku un máksimo di 250 persona por bishitá kada wega, ounke FFK ya a hasi un petishon na gobièrnu pa hisa e kantidat na un total di 1000 persona pa wega. Asina FFK haña pèrmit pa esei, lo avisá tur fanátiko.

LAGA UN KOMENTARIO

Please enter your comment!
Please enter your name here