Den aña 2021, e papel ei tabata den sentro di protestanan di Trump. E multimionario, ku despues a ripití sin presentá pruebanan, ku nan a “hòrta” elekshonnan for di dje, a hasi un yamada riba vise-presidente Mike Pence pa nenga na sertifiká e viktoria di Biden. I den un diskurso dilanti di White House riba e mainta di 6 di yanüari, el a hasi un yamada na su siguidónan pa “lucha manera demoño”, poko promé ku míles di nan a marcha drenta Capitol.
E atakantenan a bringa ku polisnan, kibra bentana pa drenta e edifisio i hopi a grita: “Kologá Mike Pence”.
E dia ei kuater hende a pèrdè nan bida, dos di nan pa ataka di kurason i otro dos pa posibel overdosis di droga. E último, Ashli Babbitt, víktima di un polis ora ku el a purba drenta ku forsa den Kámara di Representantenan.
Donald Trump e tempu ei a sigui e insidentenan via televishon den White House. Biden finalmente a keda ratifiká komo Presidente.