WILLEMSTAD.- E aña aki e tradishon di San Juan ta sigui na Club Union Boneriano djasabra dia 23 di yüni awor ku bulamentu di kandela i músika típiko kultural boneriano. Club Union Boneriano ta invitá un i tur na nos tremendo anochi di San Juan.
Rincon Boyz for di Aruba i Grupo Kompèr lo tei pa trese e músika netamente boneriano i piesanan spesialmente dediká na San Juan. Grupo Kondjemba tambe lo tei pa asina e ambiente ta kompletu.
E aktividat aki lo ta na Club Union Boneriano: Djasabra, 23 di yüni di 08:00pm – 02:00am Entrada: fl. 12,50 p.p. Karchi adelantá pa fl. 10,= na Club Union Boneriano riba djaluna, djamars, djaweps i djabièrnè di 09:00 mainta pa 12:30 mèrdia. Despues di orarionan menshoná por yama sel. 515-1606. Sigui Club Union Boneriano riba Facebook, like i share.
