WILLEMSTAD.- Nan a bringa pa despues di diesdos aña por bolbe hisa e trofeo di kampion na laria. Nan a mira un bentaha di tres wega bai pèrdí, pero ayera nochi finalmente nan por a selebrá… Sta. Rosa Indians e flamante kampion di beisbòl di Kòrsou. E indjannan di Pariba a registrá un viktoria di 12 pa 10 riba Wild Cats pa na promé título despues di algu mas ku un dékada.

…Presidente di Sta. Rosa Indians, Lipo Elhage, huntu ku su team tékniko ta aseptá e trofeo di kampion…

E promé entradanan dje wega di ayera nochi a indiká ku Sta. Rosa Indians tabata riba kaminda pa un viktoria fásil. Sinembargo, Wild Cats poko poko a kana yega serka i a pone preshon den último dos entradanan. Finalmente nan ta keda kòrtiku pa dos kareda.
E promé tres inningnan tabata fásil pa e indjannan ku a kue bentaha di 8-0 kontra di Jair Jurrjens ku sin duda a wòrdu lagá demasiado riba montíkulo. E daño ei a bai pisa na final ya ku ounke ku Wild Cats a skor mas ku ocho kareda, nan no por a evitá ku Sta. Rosa tambe a sigui anotá.

 

…Jordan Lucas, picher di Sta. Rosa Indians premiá komo MVP dje seri final….

E wega ta bira 8-1 den di tres, 8-3 den di sinku inning pa despues tur dos ekipo rally pa 4 kareda den di seis.: 12-7. Miéntras ku e picheo di Wild Cats ta tira tres último ining sin tuma kareda, nan mes ta skor 2x den bòm di ocho i 1x den di nuebe.
Loke no a falta den e wega, ta homerun. Wild Cats ku 4: Reangelo Beaumont, Rojean Cleofa i Carlton Daal 2x.. Serka. Sta. Rosa tabata Ildion Martina ku a saka e bala for di parke.
Pa Sta. Rosa Indians 12 kareda riba 14 hit i 2 eror den defensa. Jordan Lucas a gana ku 5 inning di labor, tumando 5 hit, 3 kareda, tira 3 ponche i nan a zon’é 2 homerun. Tres otro picher a subi montíkulo pa Indians. Aldair Daal a bati di 5-4 ku tres kareda empuhá i tres anotá.
Pa Wild Cats 10 kareda, 10 hit i 4 eror. Jair Jurrjens a karga ku e derota, pichando 2.2 inning di 8 hit, 8 kareda, ku 4SO i 3BB. Rangelo Beaumont a liga di 3-2, Rojean cleofa 4-2 i Carlton Daal 5-2 ku 4 RBI.

…Yevgenni Reinita, MVP di temporada 2020 di FEBEKO…

 

 

 

 

…Sta.Rosa Indians kampion beisbòl Dobel-A despues di diesdos aña. E ekipo a kue bentaha di 3-0 den e seri final, despues mira kon Wild Cats ta empatá e seri pero finalmente ta bin gana den e partido desisivo. Pabien!…


…E ekipo di Wild Cats ku a bòns bèk den e seri final, pero tin ku rekonosé e superioridat di Sta. Rosa Indians…

…Momento di tristesa serka esun i alegria serka e otro… e último out a kai mediante ponche…

LAGA UN KOMENTARIO

Please enter your comment!
Please enter your name here