WASHINGTON, AP.- Despues di a pasa sinku aña komo impulsor prinsipal di e idea ku presidente Barack Obama no a nase na Merka, finalmente Donald Trump a atmití djabièrnè ku e mandatario a nase riba suela merikano.
“Presidente Barack Obama a nase na Merka, punto”. Asina e kandidato presidensial republikano a bisa durante un evento di kampaña ku a wòrdu transmití bibu na televishon. ‘Awor nos tur kier hasi Merka fuerte i bon atrobe.
Sin embargo, el a purba di laga tur teoria falsu di konspirashon atras, sosteniendo ku e ‘Movementu Brither; a kuminsá pa su rival, e kandidato presidensial demókrata, Hillary Clinton, algu ku e no tin prueba p’e. Movementu Birther ta sostené ku Obama a nase pafó di Merka i ku e no por ta presidente.
‘Hillary Clinton i su ekipo di kampaña 2008 a kuminsá e kontroversia Birther. Ami a pone un fin tras di esaki’, asina Trump a sigurá.
E direktor di ekipo di Clinton a kalifiká e deklarashonnan nobo di Trump komo “bergonsoso”.
