SAN JUAN, PUERTO RICO, AFP.- Fiona a bira un orkan di kategoria 4 despues ku el a asotá e islanan karibeño Turks en Caicos i kousa vários morto i inundashonnan i dañonan material grave despues ku e orkan a pasa na Puerto Rico i República Dominicana.
Segun Sentro Nashonal di Orkan di Merka (NHC), Fiona ku ta riba e segundo kategoria mas haltu riba eskala di Safir-Simpson ta moviendo ku bientu fuerte di 215 kilometer pa ora rumbo pa Bermuda, kaminda e lo yega djaweps anochi.
Te ainda, e orkan a laga sinku morto: unu riba teritorio franses di Guadeloupe, dos na Puerto Rico i dos na República Dominicana.
