WILLEMSTAD – Awe mainta, djamars 16 di mei 2017, Fiskal di Ministerio Públiko (OM) a tene su rekisitorio den kaso “DRUM” na Boneiru. Ta trata di un kaso ku vários akusashon kontra un òf mas di e 7 sospechoso, variando di poseshon di arma di kandela ilegal, trafikashon di hende, trafikashon di droga, atrako ku violensia i morto di polis Ferry Bakx. Ta trata di echonan ku a tuma lugá na luna di ougùstùs 2016 na Boneiru.

E demanda di OM BES den e kaso aki ta lo siguiente:

Nitzael P.G. (Venezuela, 1995) 25 aña prisòn

Rachyt S. (Bonaire, 1975) 20 aña prisòn

Chanon R. (Venezuela, 1983) 18 aña prisòn

Jose Enrique E.P. (Venezuela, 1988) 16 aña prisòn

William P. (Venezuela, 1986)15 aña prisòn

Fransisco P.M. (Venezuela, 1988) 15 aña prisòn

Fransisco C.A. (Venezuela, 1988) 15 aña prisòn

Tambe a entregá na Korte vários petishon pa daño perhuisio. E montante ta suma mas o ménos 14.000 dòler. Ta trata di daño perhuisio di famia Van Dijk i partner di Ferry Bakx. Ta asina ku famia di defuntu a anunsiá ku nan ta bai inisiá tambe un proseso di daño perhuisio pa medio di Korte Sivil.

Awe i mayan ta sigui e parti di defensa, repliek i dulpiek. Ta programá ku djárason atardi ta klousura e tratamentu di e kaso ku e último palabra di e 7 sospechosonan.

 

Den edishon di EXTRA BONEIRU mayan lo tin un kobertura kompleto di e kaso aki.

LAGA UN KOMENTARIO

Please enter your comment!
Please enter your name here