BOGOTA, COLOMBIA, AFP.- Fiskal di Colombia a anunsiá djaluna último ku nan lo suspendé e òrdu di kaptura kontra alias Antonio García, komandante di e gueria ELN ku ta negoshando pas ku gobièrnu for di fin di aña pasá.

Gustavo Petro, e promé presidente iskierdista den historia di Colombia, ta negoshando ku e gueria aki, fundá na 1964 bou di influensia di e revolushon Kubano, for di novèmber di 2022. Aparte di esaki e ta purbando di yega na un akuerdo ku rebeldenan ku a separá for di e pakto históriko di pas ku a desarmá FARC na 2017, un gueria poderoso, sin muchu progreso pa disminuí e konflikto armá.

E negosiashonnan ku ELN a drenta den un krísis na fin di mart na momentu ku e insurgentenan a lansá un atake armá ku a laga dies militar morto serka di frontera ku Venezuela.

Sinembargo, ámbos parti a keda sintá ainda na mesa di diálogo, ku lo finalisá su di tres siklo djaweps próksimo na Cuba.

 

LAGA UN KOMENTARIO

Please enter your comment!
Please enter your name here