Minister boliviano Marco Antonio Oviedo ta hiba palabra pará banda di Minister di Defensa Ernesto Justiniano i e komisario general di polis boliviano Adrian Alavarez
LA PAZ, Bolivia (AFP).- Outoridatnan di Bolivia ta investigá e fiskal general Roger Mariaca pa labamentu di plaka i trafikashon di droga, segun a keda anunsiá ayera despues di su detenshon djamars último. Dos dia promé ku esei, Merka a kanselá su visa pa supuesto relashon ku organisashonnan kriminal.
Mariaca a keda arestá djarason anochi den e siudat di Santa Cruz. Tambe a detené Alberto Zeballos, fiskal dje hurisdikshon, kende tambe ta un funshonario boliviano sanshoná dor di Washington.
“A habri for di otro un organisashon kriminal investigá pa hustisia”, segun e minister Marco Antonio Oviedo.
Ministerio Públiko boliviano, “enkabesá pa Roger Mariaca, a resultá den un organisashon kriminal destiná pa duna insentivo i protehá narkoterorismo”, segun el a agregá.
Merka djaluna último a kanselá e visanan di Mariaca, algun hues, funshonarionan i empresarionan di Bolivia, komo tambe di Colombia, Ecuador i Perú, kendenan ta keda akusá di korupshon, relashon ku narko òf di a konspirá kontra di nan respektivo gobièrnu.
Segun Marco Rubio, Sekretario di estado di Merka, “e akshonnan na Bolivia ta mustra e tipo di liderazgo pa hasi di nos hemisferio algu mas sigur, mas fuerte i mas próspero”.
