HERUSALEM, AP.- E fiskal general di Israel a presentá diferente kargo di korupshon kontra promé minister Benjamin Netanyahu, eksponiendo un kaso kaminda mas di 300 persona lo testifiká. E lista largu di personanan aki ta inkluí vários multimionario famoso.
E asesor legal Knesset a bisa ku por duna e promé minister vários luna pa e haña inmunidat i kousa tardansa den e huisio. E akusashon a oumentá probabilidat ku e pais ta wòrdu obligá pa tene elekshon pa di tres biaha den ménos ku un aña.
E fiskal general Avichai Mandelblit a anunsiá ku e lo presentá akusashonnan di froude, abusu di konfiansa i soborno kontra Netanyahu. Esaki ta promé biaha den historia di Israel kaminda un promé minister ehersiendo su funshon ta keda akusá pa un delito. Madelblit a presentá e kargonan djaluna dilanti e presidente di Parlamento.
Netanyahu ta rechasá di a ehersé un akto ilegal i a bisa ku e ta víktima di “un golpe di estado” di parti di investigadónan polisial i fiskal den e pais.
