MICHEL AOUN; eks presidente di Líbano.
BEIRUT, Líbano.- Un fiskal líbanes ayera a pidi pa e eks presidente Michel Aoun keda prosesá pa un eksploshon ku a tuma lugá den haf di Beirut den 2020, ku a kousa mas ku 200 morto.
E fiskal dilanti di Tribunal di Kasashon di Líbano a solisitá e hues enkargá ku e kaso, Tarek Biar, pa “presentá akusashonnan kontra dje eks presidente, teniendo kuenta ku e tabatin konosementu previo di presensia di nitrat di amoniak den e haf i ku esaki ta peligroso, pero no a tuma medidanan nesesario i tampoko a pone e situashon na konosementu di Konseho Superior di Defensa”, di akuerdo ku un fuente.
Riba 4 di ougùstùs di 2020, un dje eksploshonnan nuklear mas grandi di historia a destruí barionan kompleto den e kapital libanes, kousando mas ku 200 morto i 6.500 herido.
Segun outoridatnan, e katástrofe a kuminsá ku un kandela den un bodega dje haf kaminda tabata warda algun tòn di nitrat di amoniak usá komo fertilisante.
