MIAMI, AP.- E nòmber di dos orkan ku a kousa hopi daño desde Florida te Virginia aña pasá a wòrdu retirá, segun informashon di Ofisina Nashonal di Atministrashon Oseániko i Atmosfériko di Merka.
Florence i Michael lo wòrdu remplasá pa Francine i Milton, segun NOAA. Nòmbernan nobo lo paresé pa promé biaha durante e temporada di orkan di oséano atlántiko di 2024.
E nòmber di un orkan ta wòrdu retirá na momentu ku esaki kousa destrukshon grave i ta wòrdu konsiderá komo insensibel pa bolbe usa e nòmber. Ochentiocho a wòrdu eliminá di e lista pa Atlántiko i Karibe desde ku orkannan a kuminsá haña nòmber na aña 1953.
Florence a kousa por lo ménos 51 morto den sèptèmber meimei di inundashonnan rèkert na North i South Carolina i Virginia, segun un komunikado di NOAA.
Michael a mishi ku tera den òktober ku bientu di 250 kilometer pa ora. Por lo ménos 45 morto a pasa entre e strip di nortost di Florida, Georgia, North i Sout Carolina i Virginia, kual a wòrdu atribuí na e orkan.
