WASHINGTON, MERKA, AFP.- Fondo Monetario Internashonal a bisa djaluna ku a aprobá 4.3 miar dòler pa yuda Suráfrika kombatí e pandemia di Corona vírus.
“FMI a aprobá 4.3 miar dòler na fondo di Emergensia pa yuda Rapid Financing Instrument (RFI) sostené outoridat ku e situashon i impakto ekonómiko severo di COVID-19. Suráfrika ta e kontinente su ekonomia di mas industrialisá i tin mas tantu kaso di COVID-19 den e region, ku mas di 445.000 infekshon i 6.769 morto te ku djaluna.
E minister di Finansa di Suráfrika, Tito Mboweni a bisa den yüni ku e ekonomia lo baha ku 7.2% den 2020. E plaka di FMI lo wòrdu invertí pa stabilisá debe di e pais, krea trabou, yuda trahadónan di salú kombatí COVID-19 i motivá e ekonomia pa krese.
