QUITO, ECUADOR, AP.- Fondo Monetario Internashonal a konsedé un krédito alrededor di 364 mion dòler na Ecuador pa asina stabilisá e balansa di pago di e pais.
E hefe di mishon di FMI pa Ecuador, Luca Ricci, a informá ku e “maneho ehekutivo di FMII a aprobá un desembolso di 364 mion dòler, komo un instrumento di finansiamentu rápido”. Esaki a tuma lugá den un konferensia di prensa desde Washington.
El a destaká ku e apoyo finansiero aki lo yuda e pais atendé un nesesidat urgente desbalansa di pago, provoká pa e temblor, ku a kousa un daño enorme kontra infrastruktura, kasnan i e sektor agríkola.
E finansiamentu aki a realisá sin nesesidat di un programa ekonómiko, ni dia eksámennan di ekonomia.
E yudansa finansiero ta wòrdu brindá inmediatamente.
El a agregá ku e términonan di krédito ta: tasa di interes di 1,1% anual i ta pertenesé na 37% di e kuota di Ecuador na FMI.
E último biaha ku Ecuador a risibí un krédito di FMI tabata na aña 2002 i tabata trata di 240 mion dòler.
