DETROIT, AP.- Ford lo invertí 500 mion dòler den e empresa emergente di vehíkulonan eléktriko Rivian. E akuerdo ta establesé ku ámbos kompania lo traha huntu pa konstruí un outo eléktriko di Ford, basá riba ideanan di Rivian.
Ford Motor Co., lo bira sosio minoritario di Rivia, ku sede na Detroit. E kompania a lansa un trùk pikòp eléktriko nobo resientemente i un SUV, ku lo sali na benta na final di otro aña.
E kolaborashon ta un indikashon mas ku e fabrikantenan di outo i kompanianan teknológiko ta uniendo pa kompartí e kostonan di kapital enorme pa desaroyo di vehíkulonan eléktriko i outónomo. E ehekutivonan di FORD i Rivian a bisa ku tin posibilidat pa e kolaborashon krese i ku e kompanianan ta kompartí konosementu ku otro.
“Nos ta siñando hopi di e kompania maravioso aki i su lidernan”, asina e direktor general di Ford, Jim Hackett a bisa djárason. “Nos tin un mente habri pa su enfoke nobo pa ku vehíkulonan eléktriko”.
Rivian lo kontinuá komo kompania independiente, pero e ehekutivo di Ford, Joe Hinrichs lo haña un puesto den e hunta di shete miembro di e kompania.
