SAO PAULO, BRASIL, AFP.- Forsanan di seguridat di Brasil a desarmá un gang kriminal sospechoso di a ehekutá kasi 40 atake na nortost di e pais, komandá pa lidernan den prizònnan, segun informashon di outoridatnan.

Un sospechoso a muri i 17 a keda detené den un operashon desaroyá den tres siudat, inkluyendo e kapital durante e di kuater mardugá di violensia konsekutivo den estado di Rio Grande do Norte.

Segun outoridatnan, e atakenan ta un reakshon di gruponan kriminal riba e kondishonnan di bida den e prizònnan, i traslado di hefenan di gèngnan kriminal na prizònnan ku ta keda for di e estado.

Djabièrnè a registrá vários esena di kandela di vehíkulonan i atakenan kontra vários ofisina i lugánan públiko. Entre nan un depósito di gobièrnu a kima, kaminda tabata warda remedi den periferia di Natal.

E operashon di djabièrnè a konta ku 150 polis i militarnan i tabata kontra un grupo dediká na narkotráfiko den e último dianan bou di òrdu di nan lidernan den prizòn.

 

LAGA UN KOMENTARIO

Please enter your comment!
Please enter your name here