Francis Frans i Suzy Wagimin Wowo no ta gaña

Iridologia ta un tékniko di medisina alternativa ku ta keda praktiká aki na Kòrsou tambe. Francis Frans i Suzy Wagimin a interkambiá ku nos di e téknika aki, esta di lesa den íris di wowo pa detektá posibel problemanan ku salú. Iridologia ta e sistema ku praktikadornan den medisina natural tin forma pa diagnostiká pa medio di íris di e dos wowonan pa analisá i saka afó kon funshonamentu di e kurpa humano ta, kon e estado di salú ta, kua órgano ta den bon funshonamentu i otronan ménos bon, kon e sirkulashon ta. Ta trata di un práktika ku Francis hasi hopi tempu. El a stòp pa un temporada pero komo el a mira e demanda el a tuma e batuta bek i sigui. Francis ta kapasitá su mes konstantemente riba e tereno aki bishitando kursonan i seminarionan. I kada dos luna tin dòkternan ta bin di Colombia pa hasi konsulta.

E interes pa laga hende lesa den íris di wowo ta grandi. E interes a lanta mas ainda ora tabatin e feria na Because kaminda  a bin hendenan for di Colombia i nana práktika Iridologia durante di e feria aki. Tin dos forma; e sistema bieu i esun aktual. Esun bieu tabata wak ku un vergroot glas, un lupa ku un lus den e íris di e persona su wowo i a base di esei ta mira rayonan pretu, mancha, sírkulonan manera nubia shinishi skur kòrá i basa riba e punto ku e manchanan ta bai detektá den ki zona nan ta kai. I den sierto zona e ta manera un oloshi i su weizer bo ta  sa ta kua órgano ta trata di dje. Kada wowo ta diferente, e ta bira nèt kontrali. Den e wowo drecha e kara ta banda robes i den wowo robes  e ta den banda drechi, meskos ku e kurason bo ta wak esei den e wowo drechi. I asina por detektá kui e persona tin indikashon di tin algu ku su salú.

Ta funshoná

Pa mustra ku e sistema aki ta funshoná realmente, Francis a konta kon nan tabatin un persona ku a bin serka nan i a hasi su skèn. Ora nan a kaba ku e skèn nan a bis’é ke tin problema ku su nir. Tambe e tin problema ku prostat i dos bia ta manifestá ku e tin problema ku múskulonan na pia. E persona a nenga ku e tin problema ku su pia. Nan a mustra e persona un bia mas i despues di un ratu ora e persona a sinti ku e ta hasiendo nan ridíkulo e persona ei a bai para ful paña kita i a duna boka ku enbèrdat e tin problema ku pia/rudia. I nan a trata e rudia.

Ora tin un problema nan tin e laser terapia, trata doló, akupuntura i nan ta duna konseho ku e por usa komo remedi homeopátiko. Loke Francis a pone atenshon riba dje ta ku nan no ta dòkter di wowo, pero den e íris di e persona bo ta mira ku e por tin problema ku wowo mes si. Na momentu ku lesa den íris di wowo e problemanan ku mas ta resaltá ta inflashon, problema ku sirkulashon, segun Suzy. Tambe hopi strès ta bin dilanti voral serka hende di mas edat ora e selebre ta bira mas suak. I nan ta duna konseho pa buska algu pa fortalesé e nèrvionan i e sirkulashon. Nan ta topa hopi nèrvio debil i strès.

Por lesa den íris di wowo for di mucha yòn te hende di 80 aña  basa riba e wowo, si esaki ta bon. Si e wowo ta ‘wazig’ i a operá katarata òf hende ku a laser wowo bo no por wak kompleto pero nan ta usa un otro aparato pa diagnostiká kualke problema ku salu.

Konstatashon real

Lesamentu den íris di wowo ta un parti di spesialisashon ora ta práktika medisina natural. Aki tur hende ta mesun kos, akupuntura i ta solamente un hende tabata hasi e Iridologia ta dr Croes i p’esei Francis a bai spesialisá den e direkshon ei.  Wowo no ta gaña pero ta bisa e bèrdat. I p’esei tambe nan ta haña hopi feedback di  hende ku a bin serka nan i despues ta informá nan di nan konstatashon ku tabata realmente asina. E siman aki nan tabatin un persona ku a bin serka nan i despues a bai un feria di salu i a resultá mesun kos ku nan a detektá. Esaki segun Francis ta proba ku nan no ta charlatan pero ta bisa realmente kiko e kos ta.

Strès i inflamashon

I teniendo na kuenta ku strès i inflamashon komo e dosnan ku mas ta bin dilanti, Suzy a duna algun konseho di kiko pa hasi. Segun Suzy mester move mas i sosegá. Besig ku bo mes, pensa ku bo por yuda bo mes, stima bo mes i voral e hendenan den ofisina pa no sinta asina largu tras di kòmpiuter. Mester lanta i hasi algun ehersisio de bes en kuando. Esaki ta basa riba edat i riba 40 aña bai ariba no por sinta tras di kòmpiuter mas ku 5 ora largu pasobra bo ta sinti e pia ta kuminsá kima. Esei ta un di e kousanan di inflamashon pasobra e sanger ta keda un kaminda para. Mas sirkulashon mas e sanger ta sirkulá. Hopi hende awendia no ke tuma e boluntat i hasi esfuerso pa bai gym òf bai kana. 24 ora hende ta keda den nan telefòn sin move. I sinta na büró tambe por strèch man i asta strèch pia. Lanta i bai bebe poko awa, tur esei ta sòru pa poko moveshon. I por mira ku muchanan awendia tin e problema ei pasobra ta den telefòn nan ta sin ta move.

Wowo brùin

Tur loke nan ta praktiká ta keda hasí dilanti di e kliente. Ta saka potretá di e íris i pone dilanti di e persona. I manera Suzy a bisa, voral e wowo brùin ta masha interesante pa lesa

Historia

Iriscopie ta data 6000 aña atras dor di e Chaldeennan pa mira malesa di bo kurpa den bo wowo. Hippocrates a nase na Gresia 460 aña  promé ku Kristu segun historia skibi. Dor di dr Douglas Morrison 1994, dr John Whiteman Ray di Oustralia konhuntamente a hasi vários análisis huntu ku e gran legendario Bernard Jensen DC ND Ph d ku awe tin vários akademia rònt mundu esakinan ta e sientífiko den iriscopia ku ta duna preparashon rònt mundu. Bo wowo ta manera un spil di bo kurpa i espíritu mental ku nunka por faya ku nan indikashon. Ku Iridologia bo ta saka tur tipo di malesanan króniko ku bo kurpa tin òf manifestá.

Den kurason di Otrobanda

E büró di Francis i Suzy ta traha riba kombatí doló, homeopatia, fitoterapia i Iridologia. E fitoterapia segun Francis ta tur loke tin di aber ku tratamentu ku yerba. Ta meskos ku Dinah Veeris ta hasi, e ta un eksperto den yerba. E klínika ta situá na Witteweg 42 nèt na entrada di bai Sanatorio i Brasami,  kas kolo hel monumental. E hende mester trata sita pa por bai einan. Por yama òf WhatsApp na 5111934 òf 5148443.