PARIS, FRANSIA, AFP.- Sindikatonan ta preparando pa “paralisá Fransia” djamars dor di kontinuá ku protestanan multitudinario, kontra e reforma di penshun di presidente liberal Emmanuel Macron.
“Mi ta hasi un yamada na tur trahadó, siudadanonan i penshonadonan pa manifestá masivamente”, segun indikashon di Laurent Berger, e lider di sindikato CFDT. Macron “no por keda surdu”, asina radio France Inter a agregá.
Dos di kada tres franses, segun enkuestanan, ta kontra su proyekto pa subi edat di penshun di 62 pa 64 pa aña 2030.
Segun e gobièrnu e intenshon ta pa evitá un défisit den e. “Nos lo kumpli ku e meta pa un sistema mas balansá pa aña 2030, segun su bosero, Olivier Veran, na e kadena di televishon France 2.
Desde su presentashon den yanüari, e sindikatonan a organisá manifestashonnan grandi, inkluyendo un di esnan di mas grandi den tres dékada riba 31 di yanüari, pero sin ku gobièrnu a hala atras.
E servio di trein na Fransia i transporte públiko di Paris, klave pa e ekonomia di e kapital a keda interumpí pa e paronan, ku sindikatonan lo prolongá despues di djamars.
