FRANSIA, AFP.- E gobièrnu franses a anunsiá ku e ta aplasá te ku 31 di desèmber e vakunashon obligatorio anti COVID pa e personal di salubridat i bomberonan riba su isla den Karibe ku por sierto ta bibando un krísis sosial hopi grandi pa e medida aki.

E minister di Ultramar, Sebastian Lecornu i di salú Olivier Veran a anunsiá tambe ku nan ta kita e suspenshon di e profeshonalnan ku ta rechasá e vakunashon, si nan aseptá un kompañamentu individual, segun e komunikado ta bisa.

E protestanan na Guadeloupe a kuminsá for di 10 dia pasá ku un rechaso di vakunashon obligatorio di trahadónan den salubridat i bomberonan, un medida ku ya a keda apliká den teritorionan franses na Oropa.

E protestanan ku a inkluí sakeá i blòkiamentu di kaya, a transformá den un movementu mas global pa ekspresá e frustrashon di e habitantenan ku ta konsiderá nan mes lubidá pa Paris.

Un siman despues, e movementu a ekstendé tambe pa e isla di Martinique kaminda 10 polis a resultá heridá i vários periodista tabata víktimanan di tirunan.

LAGA UN KOMENTARIO

Please enter your comment!
Please enter your name here