PARIS, FRANSIA, AFP.- Fransia a pidi Union Europeo pa tuma medidanan kontra Mali despues ku lidernan militar a ‘schors’ elekshonnan, segun indikashon di e minister di eksterior franses djárason.
Jean-Yves Le Drian a indiká den un entrevista ku AFP ku e lidernan militar di Mali mester asumí nan responsabilidatnan.
Le Drian a bisa ku e medidanan di Union Europeo lo koinsidí ku e sanshonnan kontra e bloke ekonómiko afrikano EVOWAS, kual Paris a sostené den pasado.
“Nos ta bai proponé pa apliká e sanshonnan na nivel Europeo, tantu kontra lidernan di Mali i tambe medidanan ekonómiko i finansiero”, asina Le Drian a bisa.
El a agregá ku lo diskutí e tema aki ku ministernan di eksterior di Union Europeo den un reunion na Brest djaweps, agregando ku Mali ta un “problema europeo”.