PARIS, AP.- Presidente Francois Hollande di Fransia a anunsiá ku e pais ta mobilisá algun barku pa karga avion Charles de Gaulle e verano aki pa reforsá e kombate kontra Estado Islámiko.
E pais a proponé un oumento di trupa riba tera pa entrenamentu i apoyo pa rekuperashon di Mosul, na nort di Irak.
Hollande a papia un dia promé ku e desfile militar pa Dia di Bastille i a bisa ku “nos mester gòlpia i destruí esnan ku a agredí nos akinan” den dos serie di atake aña pasa.
Den e atakenan aki 130 persona a muri i 17 mas a muri den dos atake realisá den yanüari.
Ku e barkunan na disposishon, Fransia por inkrementá su poder di atake den e koalishon enkabesá pa Merka ku ta realisando atakenan kontra e grupo Estado Islámiko.
