Norte amerikanonan na Pretoria a pone flor pafó di Embahada di Merka, lamentando morto di e aktivista i ‘influencer’ Charlie Kirk kende a keda asesiná na Utay Valley University na Merka.
WASHINTON, USA (AFP).- E ‘influencer’ Charlie Kirk tabata un aktivista elokuente i provokadó ku a gusta di trata problemanan sosial ku ta generá polarisashon na Merka. Despues ku el a keda tirá durante un aktividat na Utah University djarason último i a fayesé, ta bon pa kòrda riba algun di su sitanan di último añanan.
Karga arma di kandela:
“Mi ta kere ku ta bale la pena. Ta bale la pena paga e preis, pa desgrasia, di algun morto debí na arma di kandela kada aña pa nos por keda ku e Segunda Enmienda (di Konstitushon norteamerikano, ku ta garantisá pa por tin arma) pa protehá nos otro derechinan otorgá dor di Dios. Ta un akuerdo prudente, ta rashonal”.
Transgénero:
“E úniko tema ku mi ta kere ku ta bai kontra di nos sentidonan, inkluso kontra di e lei natural. Mi ta tribi na bisa ku e fenómeno di transgénero manera ta tumando lugá aki na Merka ta un insulto den kara di Dios”.
Kamala Harris: ,
“El a keda eligí vise presidente pa motibu di ta un muhé pretu”.
Islam:
“Ta parse bosnan bon ku tantu Londres komo New York tin alkaldenan musulman? Ta duel mi. Mi ta kere ku nos mester ta poko mas kouteloso riba e asuntu aki. E no ta parse mi korekto”.
Komunidat pretu:
“Den komunidat pretu ta aseptabel ku un hende hòmber, siendo menor di edat, ta saka un muhé na estado i bandon’é. Esei ta un problema di kultura den e komunidat neger”.
Aborto:
Riba e pregunta kon lo e reakshoná si su propio yu muhé keda violá i sali na estado, el a kontestá: “Esei ta teriblemente gráfiko… pero e kontesta ta si, e yu mester nase”.
