MIAMI, AFP.- E frei di Gabby Petito, un influensiadó asesiná algun luna pasá na Merka a kometé suisidio tirando su mes den kabes, asina abogado di e famia a informá ayera.
E kurpa di Brian Laundrie a keda hañá dia 20 di òktober den un reserva natural nort di e estado di Florida. E hòmber di 23 aña a disparsé na sèptèmber, poko despues ku polis a kalifik’é komo e persona di interes den e investigashon riba morto di Petito.
“Chris i Roberta Laundrie a keda informá di e kousa di morto pa un herida di bala den kabes i e forma di morto ta suisidio”, segun e abogado Steven Bertolino a informá den un komunikado. Tur dos ta yuda pèrdida di nan yu hòmber i nan ta spera ku e hayasgo aki lo permití tur dos famia bòltu un página di loke a sosodé.
