WILLEMSTAD.- E momento ku pueblo di Kòrsou tabata warda riba dje finalmente a yega. Djasabra 3 di òktober 2026, Fresh Market Curaçao lo habri su portanan ofisialmente na LXRY Mall Brakkeput, for di 7:30 di mainta te 9:00 or di anochi.
Fresh Market Curaçao ta invitá henter komunidat pa pasa i eksperensiá e supermerkado di mas nobo di Kòrsou. Klientenan lo haña un surtido amplio di produktonan na preisnan aksesibel. Fruta i bèrdura lo ta e parti di mas esensial di Fresh Market, banda di un gran variedat di produktonan pa uso diario.
E meta di Fresh Market Curaçao ta pa hasi kompra un eksperensia agradabel i aksesibel pa tur hende. E supermerkado ta kombiná produktonan di kalidat, un ambiente agradabel i servisio atento, bou di un solo dak.
Kiko bo por spera djasabra 3 di òktober
Durante e gran apertura, lo tin diferente aktividat i sorpresa pa e bishitantenan, inkluyendo un regalo spesial pa e promé 100 klientenan i un tas di kompra di Fresh Market kompletamente grátis pa tur kliente. For di mainta, diferente kompania lo tin nan stent den e supermerkado, kaminda bishitantenan por konosé i purba vários produkto.
Ademas, tur kliente lo tin chèns di gana premionan manera 10.000 Fun Miles, un mashin di kòfi i un iPad, miéntras ku durante henter e luna di apertura lo tin mas premionan grandi, entre otro un televishon, un ‘hibachi grill’, un ‘shopping spree’ di un minüt i hopi otro premio mas. Klientenan ku hasi uso di nan Fun Miles app lo risibí 100 Fun Miles èkstra riba tur kompra di XCG 50 òf mas, i bishitantenan lo por drai e Fun Miles Spin the Wheel pa gana premio instantaniamente.
Banda di tur e aktividatnan aki, Fresh Market Curaçao lo tin tambe ofertanan spesial di Grand Opening den henter e supermerkado.
“Ku Fresh Market Curaçao nos kier trese un konsepto ku ta kombiná produktonan di kalidat, bon servisio i preisnan aksesibel,” segun representantenan di Fresh Market Curaçao. “Nos kier krea un supermerkado kaminda tur hende ta sinti nan mes bonbiní i kaminda klientenan por haña tur loke nan mester pa nan kas i famia.”
Un konsepto fresku pa Kòrsou
Fresh Market Curaçao ta operá komo un marka i konsepto independiente, kreá spesialmente pa e merkado di Kòrsou. E supermerkado ta presentá un ambiente moderno i aksesibel, ku un surtido adaptá na nesesidatnan di e komunidat lokal.
E inisiativa ta wòrdu respaldá pa Van den Tweel Caribbean Group, un nòmber konosí i di konfiansa den e sektor di supermerkado den Karibe.
Van den Tweel Caribbean Group ta konta ku vários supermerkado den region. Na Aruba, e grupo ta operá Ling & Sons Food Market. Na Boneiru, e grupo ta representá Warehouse Bonaire Supermarket, Van den Tweel Supermarket i Fresh Supplier Bonaire. Na Kòrsou, e grupo ta operá Van den Tweel Zeelandia i Van den Tweel Jan Thiel.
Ku apertura di Fresh Market Curaçao, e grupo ta agregá un konsepto nobo na su portafolio, ku su propio identidat, estilo i enfoke.
Fresh Market Curaçao ta situá na LXRY Mall Brakkeput i ta invitá henter Kòrsou pa forma parti di e Grand Opening djasabra 3 di òktober, for di 7:30 or di mainta.
Pasa i bin eksperensiá e supermerkado di mas nobo di Kòrsou.
Pa mas informashon, sigui Fresh Market Curaçao riba plataformanan di Facebook i Instagram via @freshmarketcuracao.
