DEN HAAG, HULANDA, AFP.- Un variante nobo altamente kontagioso di COVID-19 kual a kuminsá plama rònt mundu i registrá djadumingu na Hulanda a kousa ku fronteranan a kuminsá sera bèk, pero e biaha aki pa Suráfrika. E hefe di Union Europeo a bisa ku gobièrnunan ta purbando di komprondé e variante nobo.
E variante Omicron kual a desaroyá den Suráfrika, ta representá un reto global pa para e pandemia, mirando ku e variante ta altamente kontagioso.
“Nos ta enfrentá un karera kontra tempu”, segun indikashon di e hefe di e komishon europeo, Ursula von der Leyen. E fabrikantenan di vakuna mester di dos pa tres siman “pa haña un imágen kompleto di e mutashonnan”, asina el a agregá.
Un lista largu di pais ya a introdusí restrikshonnan di biahe pa Suráfrika, inkluyendo Qatar, Merka, Bretaña, Indonesia, Saudi Arabia, Kuweit i Hulanda.